啟德AIRSIDE除咗九龍城寨展覽之外，近月開始多咗個ASMR展覽，喺香港「首個沉浸式ASMR展覽」，成個體驗都幾特別，令人毛骨悚然，唔同嘅展品不斷刺激緊你嘅皮膚、眼睛、聽覺！

展覽年前於瑞典建築與設計中心（ArkDes） 及倫敦設計博物館（the Design Museum）舉行，引來不少迴響；是次與GATE33藝文館共同策劃的首個亞洲巡迴展，加入香港主題ASMR作品，為此席捲全球的文化現象，提供獨特的本地視點，為觀眾帶來耳目一新的沉浸式感官體驗。

ASMR（自主感官經絡反應）是一種能令人感到深層放鬆或莫名愉悅的感官體驗，常因特定聲音或動作而觸發，例如低語、輕敲聲或刮刷物件的觸感等。在不同的社交平台上，標籤為「ASMR」的相關影片總瀏量已突破千億次；對許多人而言，ASMR是一種舒緩壓力、對抗孤獨及焦慮的自我療癒方式，它同時成為席捲全球的文化運動。

這個榮獲Dezeen 2022年度「最佳展覽設計大獎」的展覽，展出超過40件來自全球ASMR創作者、當代藝術家及設計師的作品；場內設有一張由超過一公里的「特長梳化」，大家可在當中感受精心策劃的ASMR視聽體驗；至於首次面世的香港主題ASMR作品，則由兩位本地藝術家AK Kan及 Kin Lam創作，透過聲景捕捉本地文化及日常生活的ASMR經歷；觀眾也可在展覽當中創作屬於自己的ASMR作品。

主要展區逐一睇
ASMR脫鞋區域

入邊播放住唔同ASMR嘅片同埋慢鏡頭，片中有討論唔同嘅感官盲點，仲有仿真皮膚俾大家掂吓同埋仲可以自己聽自己製造嘅敏感聲音，要除鞋先可以入嘅周圍可以隨便坐，個設計真係好似大腸，可以打卡。

Bob Ross藝術品展覽區
呢個係其中一間黑房，大家要細心搵先搵到入口，入邊有放住Bob ross嘅YouTube 1,000,000訂閱獎牌，仲有佢嘅真跡，重點係可以睇返當初佢還嗰個真跡嘅片段，雖然佢都畫得幾靚，不過真係聲音好催眠，相信佢有咁多subscribe嘅其中一個原因係佢嘅聲音。
 

模擬車廂或飛機車廂體驗

靠近窗邊會聽到好似飛機起飛聲音，真係好似飛機飛行聲，都係另一個打卡地點，可以影Y2K風格嘅相！
 

滴口水仿真人舌

條脷嘅質感睇落去真係超似人嚟，成個模組好似好機械化，睇住啲口水滴吓滴吓幾過癮！
 

詳情
日期：即日至2025年7月13日
時間：周一至周四中午12時至晚上8時；周五至周日中午12時至晚上9時
地點：九龍啟德AIRSIDE 3樓L-302 GATE33感官怪奇
門票：$30

備註：全日制學生/11歲以下兒童/60歲以上長者/殘疾人士與多1名陪同者/綜合社會保障保援助受助人都有優惠票價$20張